{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}
{{ 'in_app_browser_popup.desc' | translate }}
{{ childProduct.title_translations | translateModel }}
{{ getChildVariationShorthand(childProduct.child_variation) }}
{{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}
{{ getSelectedItemDetail(selectedChildProduct, item).childVariationName }}
改善腸道健康可幫助回春?
2021/09/20
近排,有科學家嘗試將年輕鼠的便便,移植到年老鼠既腸道。八個禮拜之後,科學家發現年老鼠既消化系統、免疫系統,甚至記憶同認知能力都有改善。
究竟年輕鼠既便便收埋左咩靈丹妙藥呢?
原來,呢啲便便入面擁有幾萬億既益菌(無錯係trillions咁多),形成獨特既腸道微生物群。
科學家發現,健康既腸道微生物群可以減慢醋酸鹽分解(acetate degradation)以改善腸道健康; 減弱微小膠質細胞反應以減少發炎情況(microglia inflammation);甚至改變大腦海馬體的代謝物組(restored metabolites) 以提升年老鼠既認知、記憶及行為。
簡單黎講,年輕鼠既腸道微生物群恢復左年老鼠既活力,幫佢返老還童~
“The good thing about your microbiome—as opposed to your genome—is that you can change it,”
神經科學家John Cryan 表示,微生物群比基因工程優越既地方,就是你可以輕易改變自身身體的微生物群。
比足夠營養你既益菌,佢地就會同你身體既細胞互相幫助,開心生活,你都會感覺有活力啲;相反如果唔好好管理腸道健康,你既益菌就會好似澳洲珊瑚礁白化咁慢慢死曬,到時比惡菌霸曬條腸。。。可能會未老先衰架。
以前都成日講 #gutbrainconnection啦。腸道作為第二個大腦,負責傳遞大量hormones方便唔同器官溝通,又日夜幫你消化大量既食物,提供能量比你生存,係咪應該對佢好啲先~
Reference:
Boehme, M., Guzzetta, K. E., Bastiaanssen, T. F., van de Wouw, M., Moloney, G. M., Gual-Grau, A., … & Cryan, J. F. (2021). Microbiota from young mice counteracts selective age-associated behavioral deficits. Nature Aging, 1-11.
Corryn Wetzel. (August 11, 2021). Fecal Transplants May Reverse Brain Aging in Mice
Smithsonian Magazine. https://www.smithsonianmag.com/smart-news/fecal-transplants-may-reverse-brain-aging-mice-180978416/
文章編輯版權歸@Hyperhealth.ltd 管有。