大部分香港人認為食魚就可以拎到omega3，雖然呢個statement無錯，但好多人忽視左環境毒素同埋世界養魚業為左增加產量而添加既一啲毒素。

抗生素

一般而言，為左令魚類唔會咁易病，部份魚類養殖場都會係飼料添加抗生素。煮熟左，抗生素都會殘留係魚肉上，所以點解我地啲腸胃益生菌會少咗。

荷爾蒙

為左令啲魚大得快啲，快啲拎出去賣，添加荷爾蒙無可厚非，咁一年就可以多幾次收成啦。

塑化劑

而家係海入面有好多膠粒，啲魚食左，然後儲左係身體啲內臟及脂肪組織，唔出奇吖。

淡水魚寄生蟲問題

三文魚係咸淡水魚，所以先會有寄生蟲問題。寄生蟲嘅蛋大多係淡水先會生存到，入到魚既身體先會成蟲，所以有咸水魚就會少啲寄生蟲（唔代表無）。寄生蟲會產生毒素，影響人既情緒同思維。

深海魚既重金屬問題

食物鏈問題，深海大魚食細魚，細魚有少量重金屬在內，大魚食好多細魚自然儲左好多重金屬，小心小心。