Hyperhealth有兩位小編，都係喺自然療法公司入面做，希望透過我哋嘅經驗，改善人嘅生活習慣，使香港人更健康。

其實好多人嘅身體問題不外乎營養唔夠，生活習慣差，甚至食太多藥、食錯營養品，而腸胃問題係成日都會發現嘅。

好想話俾大家知其實擁有健康，唔需要好貴，但係要持之以恆去做，食營養品加做運動係一個相對簡單嘅方法。

成日都覺得你有錢嘅，可以餐餐都食有機嘅食物，成日去唔同公司做治療去幫助身體健康。咁冇錢嘅呢，係咪一定要逼住食有毒嘅野，日日去捱騾仔？

於是我哋就諗住將呢一啲含金量好高嘅知識平民化（客人黎做一次自然療法都要一千蚊先聽到，而你哋免費睇喎）

好多學說都係得個講，但係我哋講出黎嘅係經驗再加對人嘅用心，將每個人嘅問題加以分析，先會揀到一個正確嘅方向幫佢哋變得更健康。

希望你哋學識咗呢啲知識之後可以幫返你身邊嘅人，亦都將我哋嘅理念宣揚開去，將健康打造成潮流。

2021/2/4

小編Alan